آرنگ

-{ آرنگ }-
هیچ نیبینُم و دیر غیرَ هَمی آرِنگِش
دِلمَه رِهتِه وَیک بادِ هَمو مِرزِنگِش
**
نیشه نزدیک بِرَی چی تَش ایندازِه چِرِنگ
اولش تنده و بعدش ترش ایبو مِنگِش
**
پا به پایش بروُم تا برسُم آخرِ خَط
دَهس وَتکبیر مزن تَهلِه ته بالِنگِش
،
سرشَه بِهسِه وَزیر شرم وحیا سی چِنِشِه
چی بنوشکَی کِه وَگِل سَر بنهاده کِنگِش
**
وَکِچُک وَش بزنُم تا کِه بریسِه وَ زِرِش
سیسهِ زَردِ رضامَحمَه بیا مِن پِنگِش
**
عوض ابیده جهان تازه مُدِش وابیده
خالَکَل رَهتِن وَجاش حلقه نها پِرسِنگِش
**
خاطِرم تَهلِه وَ او مالُ وَ داسون زَنَل
یادِ سَرحد نَه وَخیر وا خِش اَفتَو جِنگِش
**
سیم ایایِه یَه گِلولَی نَه حَرومِش بِکنُم
ای فِشنگ غیرَه کِه تعویض نوابو دِنگِش
**
،،حاج اکبری،،