اعتذر منّی

اعتذر منّی
اعتذر منی یظالم خاطر اعفیک
لان ضربات صوطک بالگفا احزام
خل یخلص شهر وانصفّی الحساب
بلکت تنّنسی لوعات الایتام
***
الحد من تعتذر لوعاتک اهوای
اشکثر عدیت عیلاتک علیه
نزف دم الگلب و احبالک اویاک
ما فادک عتب و اتشد بدیه
***
شنهی البدلک ناسینی للیوم
او رقم سماعتی هم کنسلیته
اضنن غیرت تنظیم الحساب
علی عدوان گلبی بدلیته
***
چنت من الصبح تحرمنی النوم
تسلم و الگلب مرتاح اشوفه
شهر واسبوع ما گصرت و اتحوک
چنت تتحقق ابگلبی او حروفه
***
حبیتک صدگ ردت امشی ویاک
علی جرف البحر نگعد سویه
لاکن مرمرتنی ابحقدک الیوم
واحساب السفر تاه امن ادیه
***
کتبت اشعار الک و اهدیتک اسوار
اغانی الفت باسمک یاملعون
تهت منّی او رکبت اویه الهوا الهاب
او عفت بیت الادب تایه یمجنون
***
اشمالک هم نسیت ابللیل احاچیک
ترن واتگول ارید اسمع کلامک
ما عندی رصید انت اتصل عاد
احب اسمع گلاید من کلامک
***
تکسر خاطری و اتماشه ویاک
او غسلتک من همومک و انت غایب
او من ابعید اطهرک وانه عوان
تگول استغفر الله گلبی تایب
***
تروح اخبز ندم ما اریدک اویای
او لم ابضاعتک و استر عمامک
الجریده امدهنه او ویاهه الحزام
او صطرات الوکت تستر کلامک
***
جاسم ثعلبی (حسّانی) 06/11/1392